பெங்களூருவில் நடந்த இதயத்தை உலுக்கும் தற்கொலைச் சம்பவம்.

 

பெங்களூருவில் நடந்த இதயத்தை உலுக்கும் தற்கொலைச் சம்பவம். 

பெங்களூருவின் வடக்கு பகுதியில் உள்ள ஹென்னூர் அருகே இருக்கும் 'பாரதிய சிட்டி' (Bhartiya City) என்ற பிரம்மாண்ட அடுக்குமாடி குடியிருப்பில் இந்தத் துயரச் சம்பவம் நிகழ்ந்துள்ளது. 

தெலுங்கானாவைச் சேர்ந்த பானு சந்தர்  (32) மற்றும் அவரது மனைவி பீபி ஷாஜியா (31) ஆகிய இருவரும் கடந்த ஒன்பது ஆண்டுகளாகத் திருமணமாகி வாழ்ந்து வந்தனர். 

ஷாஜியா பெங்களூருவில் உள்ள IBM நிறுவனத்தில் மென்பொருள் பொறியாளராகப் பணியாற்றி வந்தார். 

பானு சந்தர் சம்பவம் நடந்த நேரத்தில்  வேலை எதுவும் பார்க்கவில்லை. அவர் முன்பு அமெரிக்காவில் பொறியாளராகப் பணியாற்றி அங்கு வேலை இழந்ததைத் தொடர்ந்து, 2025-ஆம் ஆண்டு அவர் இந்தியா திரும்பியுள்ளார்.

நேற்று (மார்ச் 30, 2026), இந்தத் தம்பதியினருக்கு இடையே ஏதோ ஒரு காரணத்திற்காக வாக்குவாதம் ஏற்பட்டதாகத் தெரிகிறது. இதனால் மிகுந்த மன உளைச்சலுக்கு ஆளான பானு சந்தர், தனது அறைக்குள் சென்று கதவைப் பூட்டிக்கொண்டு தூக்கிட்டுத் தற்கொலை செய்து கொண்டார்.

 வேலை முடிந்து வீடு திரும்பிய ஷாஜியா, நீண்ட நேரம் கதவைத் தட்டியும் பதில் வராததால், அக்கம் பக்கத்தினர் உதவியுடன் கதவை உடைத்துப் பார்த்துள்ளார். உள்ளே தனது கணவர் சடலமாகக் கிடப்பதைக் கண்டு அவர் நிலைகுலைந்து போனார்.

 கணவர் இறந்த அதிர்ச்சியை ஷாஜியாவால் ஏற்றுக்கொள்ள முடியவில்லை. கதவை உடைக்க உதவியவர்கள் உள்ளே கணவரின் உடலைப் பார்த்துக் கொண்டிருந்த அந்தச் சில நொடி இடைவெளியில், ஷாஜியா யாரும் எதிர்பாராத நேரத்தில் பால்கனிக்கு ஓடிச் சென்று, 17-வது மாடியில் இருந்து கீழே குதித்தார். 

பலத்த காயமடைந்த அவர் சம்பவ இடத்திலேயே உயிரிழந்தார். 

சில நிமிட இடைவெளியில் கணவனும் மனைவியும் அடுத்தடுத்து உயிரிழந்தது அந்தப் பகுதியில் பெரும் அதிர்ச்சியை ஏற்படுத்தியுள்ளது.

காவல்துறையின். முதற்கட்ட விசாரணையில், 

தம்பதியினர் தற்கொலை செய்துகொள்வதற்குக் காரணம், அவர்களுக்குள் நிலவி வந்த திருமணப் பிணக்குகளே என முதற்கட்ட விசாரணையில் தெரியவந்துள்ளது.  

பானு சந்தர்  கடந்த சில நாட்களாகவே கடுமையான மன அழுத்தத்தில் (Depression) இருந்ததும் தெரிய வந்துள்ளது. 

தம்பதியர்கள் இருவரும் திருமணத்துற்கு முன்பு  திருமணம் செய்யாமல் சேர்ந்து வாழ்ந்து வந்துள்ளனர் (living-together) என்பதும், திருமணத்திற்குப் பிறகு அவர்களுக்குள் அடிக்கடி தகராறுகள் ஏற்பட்டுள்ளது என்றும் தெரிய வந்துள்ளது.

 ஒன்பது ஆண்டு கால பந்தம், இப்படி ஒரு சோகமான முடிவை எட்டியது அனைவரையும் கண்ணீரில் ஆழ்த்தியுள்ளது.

 இது போன்ற இக்கட்டான சூழலில் தற்கொலை எண்ணங்கள் தோன்றினால், உடனடியாக உதவிக்கு 104 (அரசு உதவி எண்) அல்லது சிநேகா (044-24640050) போன்ற தன்னார்வ தொண்டு நிறுவனங்களை அணுகுவதே நல்லது.

எக்காரணத்தைக் கொண்டும் இது போன்றதொரு தவறான முடிவுக்கு யாரும் செல்ல கூடாது. 

மன உறுதி மட்டுமே எதையும் கடந்து வர உதவும்.

😥😥😥😥💔💔💔💔💔😥😥😥😥

-